Университетті дамытудың жаңа стратегиясы: ÖrkenLink платформасын қалай ұтымды пайдаланамыз?

Бүгінде жоғары оқу орындары арасындағы бәсекелестік тек білім сапасымен өлшенбейді. Абитуриенттің университет туралы сан түрлі сұрағына қалай жылдам жауап беретіні де үлкен рөл ойнайды. Біз үнемі көріп жүрген дәстүрлі жарнама әдістері күшін жойып келе жатқанда, университеттерге жаңа буынмен тіл табысатын заманауи алаң қажеті рас. Осы тұста ÖrkenLink — жоғары оқу орнының беделін арттырып, талапкерден түлекке дейінгі жолды толық цифрландыратын стратегиялық экожүйе. Ал платформа ұсынатын мүмкіндіктер білім ордасының нарықтағы орнын қалай нығайтады? Оқу ордалары ÖrkenLink-пен серіктес болғаннан не ұтады? Платформаның ЖОО-ларға пайдасын тигізіп, жұмысын жеңілдетін қандай мықты функциялары бар? Бұл мақаладан осы сауалдардың жауабын таба аласыз.

ЖОО мен ÖrkenLink не үшін серіктес болуы керек?

Абитуриенттерді тартудың жаңа деңгейі

Университет үшін ең маңызды міндет — оқу орнына талантты жастарды тарту. ÖrkenLink платформасы осы мақсатқа жетудің ең тиімді жолын ұсынады. Оның көмегімен оқу орны мектеп оқушыларымен және олардың ата-аналарымен ешқандай делдалсыз, тікелей байланыс орната алады. Университет өзінің білім беру бағдарламаларын, гранттары мен алда өтетін олимпиадаларын заманауи үлгіде жарнамалайды. Осылайша түлектерге оқу орны туралы маңызды ақпараттар жылдам әрі түсінікті жетеді.

Керек деректер

Дұрыс шешім қабылдау үшін әрқашан нақты деректер қажет. ÖrkenLink платформасы университет басшылығына ең маңызды деген статистикалық мәліметтерді ұсынады. Соның арқасында оқу орны қай мамандықтарға сұраныс жоғары екенін және талапкерлердің қызығушылығы қалай өзгеріп жатқанын анық көре алады. Бұл мәліметтер оқу орнына қабылдау науқанын нарық талабына сай икемдеуге және қажет болса, оқу жоспарына дер кезінде өзгерістер енгізуге көмектеседі.

Студенттерге қолдау көрсету және жұмысқа орналастыру

Университеттің абыройы түлектерінің қаншалықты табысты болып, білікті маман болғанымен өлшенеді. Осы ретте ÖrkenLink студенттердің мансап жолын бастауына көмектесетін дайын құралдарды ұсынады. Платформа арқылы студенттер түрлі тағылымдамалар мен бос жұмыс орындары туралы ақпаратқа оңай қол жеткізе алады. Сонымен қатар университет өз түлектерінің жұмысқа қалай орналасқанын және нарықта қаншалықты сұранысқа ие екенін бақылап отырады. Бұл оқу орнына өз шәкірттерінің кәсіби жетістіктерін қадағалауға және оларға дер кезінде бағыт-бағдар беруге мүмкіндік береді.

Оқу орындарына арналған функциялар

1. Оқу орындары каталогындағы жеке парақша

ÖrkenLink платформасы жоғары оқу орнын таныстыруға арналған сіздің цифрлық көрмеңіз іспеттес. Мұнда білім беру бағдарламалары мен қолжетімді гранттар туралы толық мәліметтер, оқу ақысы мен қаржы шарттары, сондай-ақ оқуға түсу ережелері мен мекеменің байланыс деректері сияқты маңызды ақпараттардың барлығы бір жерге жинақталған.

2. Онлайн-консультациялар өткізу

Платформада оқу орны өкілдері мен мектеп оқушылары арасындағы тікелей кері байланысты орнату үшін онлайн-консультациялар ұйымдастыруға болады. Университет өкілі кеңес тақырыбы мен өтетін күні көрсетілген арнайы карточкалар жасай алады. Сондай-ақ оқушылармен еркін сөйлесіп, сұрақтарына жауап беру үшін тікелей ZOOM-конференциясына сілтеме қалдыра алады. Бұл формат абитуриенттерге оқу орнымен жылдам әрі ыңғайлы байланыс орнатуға көмектеседі.

3. ЖОО карточкасын каталогтың жоғарғы жағына бекіту

Бұл функцияның арқасында университет каталог ішінде және іздеу нәтижелерінде әрдайым бірінші болып тұрады. Пайдаланушылар әдетте тізімнің ең басында көрінетін нұсқаларға көбірек мән беретіндіктен, бұл мүмкіндік аудиторияны көбірек қамтуға жол ашады. Сонымен қатар оқу орнына ниет білдірген абитуриенттер санын айтарлықтай арттырады.

4. Баннер жарнамасы

Осы функция «Ашық есік» күндері сияқты маңызды іс-шаралардың анонстары арқылы аудиторияны визуалды түрде кеңінен қамтуға жағдай жасайды. Бұл құрал оқу орнына қызығушылық танытқандарды ғана тартып қоймай, іздеуді әлі бастамаған жастар арасында да жоғары оқу орнының танымалдылығы мен бренд имиджін нығайтуға көмектеседі.

ÖrkenLink-пен серіктес болу жай ғана заманауи технологияны қолдану деген сөз емес. Себебі ЖОО платформаның арқасында абитуриентпен де, студентпен де, жұмыс берушімен де бір жерде, тікелей байланыс орнатады. Бүгін осы цифрлық жүйеге қосылған оқу ордасы ертеңгі күні нарықта алда болары анық. Өйткені ÖrkenLink білім беру жолындағы сенімді серіктес екенін еске саламыз.

Журналист: Құндызай Әмірбекқызы
Редактор: Зарина Қайратқызы

Хабардар болыңыз!

Кейінгі жаңалықтардың аңдатпасын бізден біле аласыз. Қызық оқиғалар мен мақалаларды біздің сайттан оқыңыздар!

Шақыруыңызды табуға және сәтті мансап құруға көмектесеміз.
Тілегенің алдыңнан
Іздемей-ақ табылар

Жылдам сілтемелер

Договор оферты и политики конфиденциальности

Қолдау

Email: info@orkenlink.kz
Телефон +7 708 842-34-27

Мекен жай

Қазақстан, Астана, Достық көш., 18, 20 оф. (22 қабат.)