Алматыда Юнеско қамқорлығымен өтетін The Planet Of Art — 2026 халықаралық жастар фестивалінің жеңімпаздары марапатталды

2026 жылы фестиваль «ЮНЕСКО-ның материалдық емес мәдени мұрасын сақтаудағы және ілгерілетудегі әйелдердің рөлі» тақырыбына арналып, ЮНЕСКО-ның 80 жылдығына және Дүниежүзілік ЮНЕСКО клубтары мен қауымдастықтары федерациясының 45 жылдығына орай ұйымдастырылды. Байқауға әлемнің 54 елінен 3 пен 18 жас аралығындағы мыңдаған бала мен жас суретші қатысты. Қазылар алқасының шешімі бойынша финалға халықаралық қатысушылардың шамамен 400 жұмысы өтті. Олардың туындылары әйелдердің халықтардың дәстүрлері мен мәдени жадын сақтаушы ретіндегі маңызын ашып көрсетті.

Жоба әлеуметтік сипатқа ие: барлық қатысушы әлеуметтік мәртебесі мен тұрғылықты жеріне қарамастан, өз талантын тегін көрсетуге және Қазақстанның жетекші өнер қайраткерлерімен жұмыс істеуге тең мүмкіндік алады. Бұл жобаға ресми серіктес — «Теңізшевройл», сондай-ақ TotalEnergies E&P Kazakhstan және Freedom Holding Corp компанияларының Freedom Шапағат корпоративтік қоры арқылы көрсеткен қолдауының арқасында мүмкін болды.

10−13 қазан аралығында фестиваль финалистеріне арнап Алматыда мазмұнды мәдени-білім беру бағдарламасы ұйымдастырылды. Бағдарламаға «Шымбұлақ» тау курорты — ЮНЕСКО клубының аумағындағы пленэрі кірді. Оған ЮНЕСКО клубтарының уәкілдері Айгерім Қарибаева мен Саян Байғалиев қатысты. Сондай-ақ қатысушылар Ә. Қастеев атындағы Қазақстан Республикасының Ұлттық өнер музейі мен Almaty Museum of Arts музейінде экскурсияларға қатысты.

Алматыдағы қорытынды бағдарламаға 20 елден — Әзербайжан, Бруней, Мажарстан, Грекия, Грузия, Замбия, Үндістан, Кения, Қытай, Қырғызстан, Маврикий, Мексика, БАӘ, Польша, Ресей, Тәжікстан, Түрікменстан, Өзбекстан, Франция және Чехиядан келген 12−18 жас аралығындағы финалистер, сондай-ақ Қазақстанның 13 облысынан 13 жас суретші қатысты.

Жобаның басты халықаралық оқиғасы — 2026 жылғы 10−17 қараша аралығында Париждегі ЮНЕСКО штаб-пәтерінде өтетін финалистер жұмыстарының көрмесі. Көрме Материалдық емес мәдени мұраның халықаралық күніне арналады. Оның аясында THE PLANET OF ART — 2026 фестивалінің «ЮНЕСКО-ның жанды мұрасы: әйелдердің рөлі» атты ресми альбомының тұсаукесері өтеді. Сонымен қатар 2026 жылғы 10 қарашада ЮНЕСКО штаб-пәтерінің басты сахнасында фестивальдің «Бірлік симфониясы» музыкалық циклінің VI гала-концерті ұйымдастырылып, оған әлемнің түрлі елдерінен келген жас музыканттар мен балет әртістері қатысады.

Фестиваль Қазақстан Республикасының ЮНЕСКО және ИСЕСКО істері жөніндегі Ұлттық комиссиясының, Қазақстан Республикасы Мәдениет және ақпарат министрлігінің және Алматы қаласы әкімдігінің қолдауымен өтеді.

Жоба серіктестері: AltSound, «DOSCAR» компаниялар тобы, «Endeavor», Otrar Travel, «Metapsychology» халықаралық психология және даму орталығы, «Шымбұлақ» тау курорты — ЮНЕСКО клубы және Samal суы.

Ақпараттық серіктестер: The Steppe лайфстайл басылымы, Almaty TV, Qonaev Media, Orkenlink Media және «Курсив».