Мансапта жетістікке жетуге шәкіртақы қалай әсер етеді?

Көптеген адам шәкіртақыны тек қаржы көзі ретінде санайды. Алайда шын мәнінде бұл – жеке тұлғаға салынған инвестиция. Стипендия – оқу траекториясын ғана емес, білім алушының бүкіл өмір жолын жақсы жаққа өзгертуге себеп болатын құрал. XXI ғасырда стипендия баға үшін төленетін ақы деген түсініктен бірте-бірте арылып келеді. Ол әлеуметтің өсу сатысына, теңдікті қамтамасыз ететін құралға, жаңа көшбасшыларды ашатын мүмкіндікке айналуда.

Шәкіртақы – әлеуметтің өсу сатысы

OECD мен Дүниежүзілік банк зерттеулеріне сәйкес, стипендия иегерлері оқудан сирек шығады, оқу үлгерімі жақсы болады және мансап жолында тез алға жылжиды. Қаржылай тұрақтылық студенттерді интеллектуалды еркіндікке жетелейді.

Қоғамнан қолдау табасың

– Егер сіз тұрғын үй немесе оқу ақысы туралы уайымдамасаңыз, кім болғыңыз келетінін ойлап, портфолио үшін пайдалы жобалар іздей аласыз. Стипендия тек уайымды басып қана қоймай, өзіңді тануға ашады, - дейді Bolashak бағдарламасының 2023 жылғы түлегі (Англия) Наркес Балтоғаева.

Шәкіртақы — тек қаржы көзі ғана емес, сонымен қатар белгілі бір ортаға кіруге мүмкіндік береді. Стипендиялық бағдарламалар арқылы ментор, нетворкинг, идеялар мен жобалар пайда болады. Осылайша сен тек диплом алуды ғана мақсат етпейсің, елді, әлемді өзгертуге ұмтылатын адамдардың ортасынан бір шығасың. Әлеуметтанушылар бұл құбылысты «жинақталған артықшылық эффекті» деп атайды: яғни бір мүмкіндік артынан жүздеген жаңа мүмкіндік шығады. Жетістіктен соң жетістікке жетелейтін ортаның бір бөлігі болып қаланасың.

– 2018 жылы мен Франция үкіметінен ұлттық стипендия иегері мәртебесін алдым және Лион Люмьер 2 университетінде оқуымды бастадым. Осының арқасында Францияда виза, сақтандыру және тұрғын үй алуда елшіліктің қолдауы сынды керемет мүмкіндікке ие болдым. Мен Қазақстандағы Франция елшілігінен және француз стипендиаттары қауымдастығынан мықты қолдау таптым, — дейді Франция ұлттық стипендиясының иегері, Лион Люмьер 2 университетінде БАҚ және коммуникация мамандығы бойынша магистр дәрежесін сәтті аяқтаған Зарина Қайратқызы.

Стипендия – сапаның белгісі

Қазіргі заманда жұмыс беруші стипендия ұтқан адамға қарап, оның мотивациясын, мақсатына ұмтылысын және жақсы нәтиже шығара алатын қасиетін байқай алады. Zigwap (2024) зерттеуі көрсеткендей, беделді стипендия алған түлектер тағылымдамадан өтуге ұсынысты өзгелерге қарағанда 2−3 есе жиі алады. Бұл тек білім деңгейін ғана емес, стипендия иегерінің болмысын да көрсетеді.

Қазақстан тәжірибесі: «Болашақ» және жаңа буын

Қазақстанда стипендиялық мәдениет ерекше мәнге ие. 1993 жылы негізі қаланған Bolashak бағдарламасы интеллектке салынған ұлттық инвестиция символы десек болады. 14 000-нан астам қазақстандық әлемнің жетекші университеттерінде білім алу мүмкіндігіне ие болды. Бірақ елге қайтып, кемінде бес жыл жұмыс істеуге міндетті болды. Bolashak – шетелде жай оқу емес, бұл Қазақстанның болашағына жасалған келісім.

Сенімді халықаралық бағдарламалар:

Fulbright (АҚШ) – магистратура, зерттеу, оқыту;
Chevening (Ұлыбритания) – болашақ көшбасшылар мен мемлекеттік қызметшілерге арналған.
Erasmus+ (Еуропа) – алмасу бағдарламалары және магистратура.
Türkiye Bursları (Түркия) – шетел студенттерін толық қаржыландыру.
DAAD (Германия) – зерттеушілер мен аспиранттарды қолдау.

Қазақстанның жас ұрпағы үшін табысты бастама болған жергілікті бағдарламалар:

Bolashak International Scholarship – шетелде оқу (міндетті түрде елге оралу керек).
Shakhmardan Yessenov Foundation Scholarship – STEM және IT стипендиялары.
Kazakhstan Government Scholarship – шетел студенттерін Қазақстанда оқыту.
Altyn Belgi / Presidential Grants – үздік түлектерге сыйлықтар мен гранттар.

Стипендия – жай құжат емес, бұл жастардың өз күшіне сенуіне жол ашатын мүмкіндік. Ол жастарға күш-жігерінің маңызды екенін, болашағына әсер ете алатынын көрсетеді. ÖrkenLink платформасында біз мына мүмкіндіктерді ұсынамыз:

стипендия иегерлері мен түлектердің шынайы жағдайын көрсетеміз;
мотивациялық хат жазуға көмектесеміз;
іріктеу қалай өтетінін түсіндіреміз;

тұлға ретінде өсу мәдениетін қалыптастырамыз.
Шәкіртақы тек қаражат қана емес, бұл — жастарды болашаққа шақыру.
Әрбір стипендия тек ақша сомасынан да көп нәрсе. Бұл болашаққа шақыру. Ол талантты бағыт-бағдар етіп, ал арманды іс-әрекетке айналдырады. Бүгін сіз өтініш берген стипендия бүгініңіз бен келешегіңізді айқындайтын жеке «Болашағыңызға» айналуы әбден мүмкін.

Оставайтесь в курсе!

Вы будете получать анонсы последних новостей, раньше всех узнавать о событиях и читать статьи.

Помогаем найти призвание и построить успешную карьеру

ссылки

Договор оферты и политики конфиденциальности

Контакты

Email: info@orkenlink.kz
Телефон +7 708 842-34-27

Адрес

Казахстан, Астана, ул. Достык, 18, оф. 20 (22 эт.)